Antivirus dhe Mur i Zjarrtë 27/03/2008 Pas paketës së sigurisë në USB Gatekeeper Pico, tani Yoggie nxjerr edhe FireStick Pico, një mur mbrojtës gjithashtu në USB. Produktet e Yoggie-t fokusohen në sigurinë e sistemit dhe përmbajnë procesor më vete. USB-ja futet në kompjuter dhe heton e kontrollon gjithë trafikun e Internetit (hyrës dhe dalës) për kërcënime. Gatekeeper skanon për viruse, spame dhe kërcënime të tjera, por ka edhe në mur mbrojtës dykahësh. Ndërsa Firestick është vetëm mur mbrojtës. E mira e këtyre produkteve është se lehtësojnë procesorin e kompjuterit nga proceset e paketave të sigurisë. Ideja është vërtet gjeniale, pasi paketat e sigurisë dita ditës po bëhen më të mëdha dhe më të ndërlikuara. Një lloj e mete mund të konsiderohet fakti që këto janë produkte jo të integruara të kompjuter. Ato janë prodhuar për laptopa, por me ç’duket janë të mirëpritura edhe për kompjuterë tryeze. Çmimi i Firestick Pico vërtitet rreth 119 dollarëve. Gatekeeper Pico kushton 149 dollarë, por është i blinduar dhe ia vlen më tepër. Me një të tillë kompjuteri bëhet flutur, duke qenë se procesori mbetet krejt i lirë nga barra e madhe e paketave të sigurisë. Pasagjeri transparent edhe në Evropë vetëm çështje kohe 07/01/2008 Ministrat e brendshëm të 27 vendeve anëtare të BE-së diskutojnë në Lisbonë në lidhje me rrugët për luftimin e terrorit. Disa mendojnë se luftimi i terrorizmit në internet është shumë i rëndësishëm. Kur flitet për terrorizimin ndërkombëtar, Franko Fratini (Franco Frattini), komisari i BE-së për çështjet e brendshme, është mjaft i shqetësuar për internetin. Fratini mendon se terrorizimi ndërkombëtar është duke u organizuar gjithnjë e më tepër përmes komunikimit në internet dhe kërkon mbylljen e faqeve me përmbajtje të tillë. Kjo ide gjithësesi nuk përkrahet për të gjithë MPB të BE-së. Sipas Fratinit ato faqe interneti në të cilat jepen udhëzime për kryerjen e sulmeve terroriste apo informacione sesi mund të sajohet një bombë duhet të ndalohen. Bildunterschrift: Großansicht des Bildes mit der Bildunterschrift: Franco Frattini Faqe interneti duhen mbyllur 'Kjo s'ka të bëjë me lirinë e mendimit.' - theksoi Fratini. Fratini synon që interneti të jetë krejtësisht i hapur, por jo për ata që organizojnë akte terroriste. MPB gjerman, Vofgang Shoible (Wolfgang Schäuble) e mbështeti idenë e Fratinit. Edhe ky mendon se terrorizimi ndërkombëtar është duke u organizuar gjithnjë e më tepër përmes komunikimit në internet dhe se për këtë duhet gjetur një zgjidhje. "Ky është një medium përmes të cilit përhapet propaganda e urrejtjes dhe instrumentet se si mund të organizosh një sulm terrorist. Ky është mediumi përmes të cilit organizohen dhe gjejnë njëri-tjetrin terroristë potencialë të cilët përgatisin sulme konkrete.' - tha Shoible. Jo të gjithë ministrat kundër internetit Por jo të gjithë ministrat e punëve të brendshme të 27 vendeve anëtare të BE-së janë të mendimit që faqe me përmbajtje të tillë mund të hiqen pa një pa dy nga interneti. Luc Frieden p.sh., MPB i Luksemburg, mendon se një e tillë nuk është kaq e lehtë: 'Unë mendoj se ne nuk mund ta kufizojmë kaq thjeshtë lirinë dhe se me metoda të tilla nuk shkojmë dot shumë larg." Komisari i BE-së Franko Fratini donte të merrte vesh se ç'mendojnë ministrat e vendeve anëtare të BE-së në lidhje me propzimet e tij. Planet e veta Fratini për forcimin e masave të sigurisë do t'i shpallë zyrtarisht në fillim të muajit nëntor. Të mirat duken shanset për miratimin e planeve të Fratinit që edhe në Evropë të regjistrohen të dhënat e pasagjerëve të avionëve, sipas modelit që zbatohet aktualisht në SHBA. Në SHBA pasagjerët që duan të udhëtojnë me avion duhet të deklarojnë kur presin biletën se ku banojnë, numrin e telefonit, intinerarin e udhëtimit, numrin e kartës së kreditit e madje edhe se çfarë hanë. Përmes këtyre të dhënave organet e policisë kanë mundësi të filtrojnë të dyshuarit për terror. Fratini dëshiron që kjo procedurë të aplikohet edhe për fluturimet brenda BE-së. Ky propozim i tij u prit mjaft mirë prej të gjithë të pranishmëve dhe me sa duket edhe në Evropë për disa kohë do të kemi si në SHBA vetëm pasagjerë transparetë.